ვინ იქნება ნოიერის შემცვლელი? - ბაიერნის ლეგენდამ მეკარეები შეაფასა

მიუნხენის ბაიერნისა და გერმანიის ნაკრების ლეგენდარულმა მეკარემ, მანუელ ნოიერმა, ჟურნალისტების კითხვას უპასუხა იმის შესახებ, ხედავს თუ არა იონას ურბიგს თავის მემკვიდრედ ქვეყნის მთავარ გუნდში.

გამოცდილმა კიპერმა ახალგაზრდა კოლეგის მისამართით თბილი სიტყვები არ დაიშურა.
ნოიერმა აღნიშნა, რომ ურბიგი ამჟამად ძალიან კარგ გზაზე დგას, განვითარების შესანიშნავი ტემპი აქვს და მისი მომავალი სრულად თავის ხელშია. თუმცა, მან იქვე დაამატა, რომ ნაკრებში მოხვედრის სხვა პრეტენდენტებიც უმაღლეს დონეზე ასპარეზობენ.

„უნდა ვთქვა, რომ ჩემი სხვა კოლეგებიც ძალიან კარგად თამაშობენ თავიანთ კლუბებში. მე პატივს ვცემ აბსოლუტურად ყველა ჩვენს მეკარეს“, - განაცხადა ნოიერმა და ხაზი გაუსვა იმ ჯანსაღ კონკურენციას, რომელიც გერმანიის ნაკრებში ამ პოზიციაზე არსებობს.