მილანის ინტერის გერმანელი მცველი, იან აურელ ბისეკი სამშობლოში დაბრუნებაზე სერიოზულად ფიქრობს. ფეხბურთელი განსაკუთრებით მოტივირებულია, ძალები მიუნხენის ბაიერნში მოსინჯოს, თუკი გერმანული გრანდის მხრიდან ინტერესი ოფიციალურ სახეს მიიღებს.
მიუხედავად იმისა, რომ ინტერში ახალგაზრდა მცველს ძალიან აფასებენ, იტალიური კლუბი მზად არის სხვა ტრანსფერებისთვის ფინანსების მოსაზიდად შემოთავაზებები მოისმინოს. მილანელებმა ბისეკის სატრანსფერო ფასი უკვე დაადგინეს და მის სანაცვლოდ 40 მილიონ ევრომდე ითხოვენ.