დაინიშნება თუ არა კლოპი გერმანიის ნაკრებში? - მწვრთნელის მოკლე პასუხი

გერმანიის ეროვნული ნაკრების მთავარი მწვრთნელის პოსტზე იურგენ კლოპის შესაძლო დანიშვნის ირგვლივ მოლოდინი პიკს აღწევს, თუმცა თავად ლეგენდარული სპეციალისტი ჯერჯერობით სიტუაციას არ აფორსირებს. ჟურნალისტების მორიგ შეკითხვას, არის თუ არა რაიმე სიახლე მის მოსალოდნელ დანიშვნასთან დაკავშირებით, კლოპმა მოკლედ უპასუხა.

„არა, ახალი არაფერია. როდესაც რაიმე იქნება დასაწერი, თქვენ ამას პირველები შეიტყობთ“ - განაცხადა კლოპმა.

მიუხედავად იმისა, რომ მხარეებს შორის მოლაპარაკებები აქტიურად მიმდინარეობს და გერმანიის ფეხბურთის ფედერაცია მზად არის კლოპს სრული ძალაუფლება გადასცეს, საბოლოო შეთანხმების ოფიციალურად გაფორმებას, როგორც ჩანს, კიდევ გარკვეული დრო დასჭირდება. კლოპი პროცესს მშვიდად უდგება და დეტალების დაზუსტებამდე მოვლენებს წინ არ უსწრებს.