გერმანული ფეხბურთის ახალი ერა - კლოპი ნაკრების ახალი მთავარი მწვრთნელია!

გერმანულ ფეხბურთში ახალი ერა იწყება. იურგენ კლოპი გერმანიის ეროვნული ნაკრების მთავარი მწვრთნელი ხდება - მხარეებს შორის შეთანხმება უკვე მიღწეულია და კონტრაქტი 2030 წლამდე გაფორმდება.

გერმანიის საფეხბურთო კავშირი (DFB) „რედ ბულთან“ შეთანხმდა, რის შედეგადაც კლოპი ამჟამინდელ კონტრაქტს ოფიციალურად გაწყვეტს. ბოლო დეტალები, რომლებიც მწვრთნელსა და მის კომერციულ პარტნიორებს ეხება, მსოფლიო ჩემპიონატის ფინალის დასრულების შემდეგ წერილობით გაფორმდება.

თუ ყველაფერი გეგმის მიხედვით წარიმართა, კლოპი ხელშეკრულებას პარასკევს, ფრანკფურტში მოაწერს ხელს. გერმანიის საფეხბურთო კავშირი სპეციალურ პრესკონფერენციასაც ზუსტად იმავე დღეს გეგმავს.