სად დაეშვა ბუნდესნაკრები? - ფიფას რეიტინგში დიდი ცვლილებებია

მსოფლიო ჩემპიონატიდან ნაადრევად გამოვარდნას გერმანიის ეროვნული ნაკრებისთვის კიდევ ერთი მძიმე დარტყმა მოჰყვა. ფიფას განახლებულ რეიტინგში ბუნდესნაკრებმა პოზიციები სერიოზულად დათმო და საუკეთესო ათეულიდან ოფიციალურად გამოვარდა.

ამ დროისთვის გერმანია 1726.22 ქულით მე-12 ადგილზე იმყოფება. რეიტინგის ლიდერობა საფრანგეთმა გადაიბარა, რომელმაც არგენტინას გადაასწრო, ხოლო ათეულში ისეთმა გუნდებმა გადაინაცვლეს, როგორებიც მაროკო და მექსიკა არიან.

მუნდიალზე განცდილი კრახი და პენალტების სერიაში მიღებული უმძიმესი შედეგი გერმანულ ფეხბურთში არსებულ კრიზისს კიდევ უფრო თვალსაჩინოს ხდის. საუკეთესო ათეულიდან ვარდნა ნათელი დასტურია იმისა, რომ გუნდს უსწრაფესი რეფორმები სჭირდება, რადგან მსოფლიო რეიტინგში მე-12 ადგილი გერმანიის დონის ნაკრებისთვის სრული კატასტროფაა.