"ნაგელსმანის დანიშვნა თან მიხარია და თან არა, რადგან.." - კიმიხის კომენტარი ნაკრების ახალ მწვრთნელზე

მოგეხსენებათ, გერმანიის ნაკრების ახალი მთავარი მწვრთნელი ბაიერნის ყოფილი დამრიგებელი იულიან ნაგელსმანია.

ახალგაზრდა სპეციალისტის ნაკრებში დანიშვნაზე კომენტარი გერმანიის ნაკრების და ბაიერნის ლიდერმა, იოზუა კიმიხმაც გააკეთა:

"დიახ და არა - არა, რადგან მწვრთნელის ცვლილება არასდროს არის ხარისხის ნიშანი და გულისხმობს, რომ რაღაცეებს არასწორად ვაკეთებდით. ამ შემთხვევაში ნაგელსმანი არაფერ შუაშია.

ნაგელსმანს კარგად ვიცნობთ, ჩვენ ერთად კარგი დრო გავატარეთ და არ მგონია, რომ მისი ბაიერნში მუშაობის პერიოდი წარუმატებელი იყო.

ვფიქრობ, რომ ნაგელსმანი ახლა რაღაცეებს ცოტა განსხვავებულად გააკეთებს - ნაკრების და კლუბის გაწვრთნა ერთმანეთისგან განსხვავდება, რადგან შენ ფეხბურთელებთან ერთად ყოველდღიურად ყოფნა არ გიწევს. ვფიქრობ, ერთად წარმატებას მივაღწევთ", - განაცხადა კიმიხმა.