დე ლიხტის შემდეგ კიმ მინ ჯეც - ბაიერნს დღევანდელ მატჩში კიდევ ერთი მცველი დააკლდება

დღეს, გერმანიის თასზე მიუნხენის ბაიერნი სტუმრად პროისენ მიუნსტერს დაუპირისპირდება.

მატჩამდე რამდენიმე საათით ადრე, ცნობილი ხდება, რომ კიმ მინ ჯე კლუბთან ერთად არ გაემგზავარა და დღევანდელ მატჩს გამოტოვებს - მიზეზი ამ დრომდე უცნობია.

ამასთან, ცნობილი იყო, რომ ხსენებულ მატჩს ტრავმის გამო დე ლიხტიც გამოტოვებდა.

შესაბამისად, არ არის გამორიცხული შანსი ახალგაზრდა მცველებს მიეცეს, ან არის მეორე ვარიანტიც - ტომას ტუხელი ცენტრალური მცველების პოზიციაზე ლაიმერს და კიმიხს დააყენებს.