"ხვალ მთის დალაშქვრა მოგვიწევს", - ტუხელის კომენტარი სიტისთან განმეორებითი შეხვედრის წინ

ხვალ, თბილისის დროით 23:00 საათზე ჩემპიონთა ლიგის 1/4 ფინალის განმეორებით შეხვედრაში მიუნხენის ბაიერნი საკუთარ მოედანზე მანჩესტერ სიტის უმასპინძლებს.

მატჩამდე ერთი დღით ადრე გამართულ პრესკონფერენციაზე რეკორდმაისტერის მთავარმა მწვრთნელმა, ტომას ტუხელმა მოახლოებულ შეხვედრაზე ისაუბრა.

"ხვალ მთაზე ასვლა მოგვიწევს - საკუთარი თავების გვჯერა, მაგრამ მხოლოდ ოცნება არ გვსურს. ყველაფერი ჩვენს ხელთაა, თანაც მარტონი არ ვართ, ზურგს გულშემატკივრები გვიმაგრებს. ყველაფერი ნაბიჯ-ნაბიჯ უნდა გავაკეთოთ", - განაცხადა ტუხელმა.

შეგახსენებთ, რომ მანჩესტერ სიტისა და ბაიერნის პირველი დაპირისპირება პეპ გვარდიოლას გუნდის სასარგებლოდ (3:0) დასრულდა.