L'EQUPE: ერნანდესი ტრავმის შემდეგ კარიერის დასრულებაზე ფიქრობდა, თუმცა ...

მიუხედავად იმისა, რომ საფრანგეთმა მუნდიალი ავსტრალიასთან 4:1 მოგებით დაიწყო, მოქმედი მსოფლიოს ჩემპიონის შემადგენლობაში სერიოზული ტრავმიანობაა და ისედაც დიდ დანაკლისს პირველ ტურში ლუკას ერნანდესის ტრავმაც დაემატა.

როგორც ფრანგულმა L'equpe-მა დაწერა, ლუკას ერნანდესი მიღებული ტრავმის შემდეგ, კარიერის დასრულებაზე ფიქრობდა. როგორც ჩანს, ფრანგი ფეხბურთელის ტრავმა საკმაოდ მძიმეა, ამიტომ ლუკასს მასთან გამკლავება, შემდეგ კი მინდორზე კვლავ დაბრუნება აღარ სურდა.

თუმცა, ახლახანს გავრცელდა ინფორმაცია, რომ ერნანდესმა ოჯახთან კომუნიკაციის და საუბრის შემდგომ, აღნიშნული გადაწყვეტილება შეცვალა, ფეხბურთელი იბრძოლებს კიდევ ერთი მძიმე ტრავმის დამარცხებისთვის და მოედანზე დაბრუნებისთვის.