მიროსლავ კლოზე: „ფეხბურთის თამაში შევწყვიტე, რადგან მას ვეღარ ვცნობდი. დღეს ახალგაზრდა ფეხბურთელები უფრო სხვა რამეზე ფიქრობენ.
მე კიდევ ბავშვობაში მხოლოდ ვარჯიშზე და ამ სპორტის სახეობაზე ვფიქრობდი, რომელიც ყოველთვის მიყვარდა. "ლაციოშიც" და ეროვნულ გუნდშიც, ყოველი ვარჯიშის შემდეგ ყინულით სავსე აბაზანაში ვწვებოდი, რომ ტრავმები ამეცილებინა. გუნდის ახალგაზრდა ფეხბურთელები კი ამაზე ყოველთვის უარს ამბობდნენ.
ერთხელ როცა დამინახეს, როგორ ვეხმარებოდი იქ მომუშავეებს ვარჯიშის დამთავრების შემდეგ, მათ მკითხეს, თუ ვინ მაძალებდა ამის გაკეთებას. ამ დღეს დავფიქრდი კარიერის დასრულებაზე.
დღევანდელი ახალგაზრდა ფეხბურთელები პირველ რიგში ფიქრობენ მანქანებზე, სპონსორებთან კონტრაქტებზე და ახალ ბუცებზე. მხოლოდ ამ ყველაფრის შემდეგ ფეხბურთზე. მათთვის ყველაზე მნიშვნელოვანი იმიჯია. მაშინ როცა ჩემთვის მთავარი იყო ფეხბურთი მეთამაშა. ის ფეხბურთი, რომელიც ვიცოდი, აღარ არსებობს."