გვარდიოლამაც დაადასტურა: ბაიერნთან პირველ მატჩში სიტის ერთი ფეხბურთელი გამოაკლდა

მოგეხსენებათ, 11 აპრილს ჩემპიონთა ლიგის 1/4 ფინალური მატჩის პირველ ტურში ეტიჰად სთედიუმზე ერთმანეთს მანჩესტერ სიტი და მიუნხენის ბაიერნი დაუპირისპირდებიან.

როგორც დღეს გახდა ცნობილი, ქალაქელებს აღნიშნული მატჩის წინ 22 წლის მარცხენა ვინგერი ფილ ფოდენი დააკლდებათ - აღნიშნული ინფორმაცია პეპ გვარდიოლამაც დაადასტურა და აღნიშნა, რომ ახალგაზრდა მოთამაში დაახლოებით 2-3 კვირას იუქმებს.

ცნობისთვის, აღნიშნული შეხვედრა თბილისის დროით 23:00 საათზე დაიწყება.