როგორც უკვე მოგახსენეთ, შვეიცარიის ქალაქ ნიონში გამართულ ჩემპიონთა ლიგის მეოთხედფინალური ეტაპის კენჭისყრა გაიმართა, სადაც გაირკვა, რომ მიუნხენის ბაიერნის მეტოქე მანჩესტერ სიტი იქნება.
წილისყრას რეკორდმაისტერის დირექტორი, ჰასან სალიჰამიჯიჩიც გამოეხმაურა:
"მომწონს კარგ გუნდებთან თამაში, ჩვენი ბიჭები ძალიან კონცენტრირებულები არიან. რთული მეტოქე შეგვხვდა, ჩემი აზრით უძლიერესიც კი. ეს მატჩი პარიზის შემდეგ მორიგი ფინალი იქინება.
მანჩესტერ სიტიმ ლაიპციგს ძალიან დამაჯერებლად მოუგო. ჩვენ პეპ გვარდიოლას კვლავ შევხვდებით და ამას მოუთმენლად ველოდები.
მჯერა, რომ საუკეთსო გუნდებთან საუკეთესოდ ვთამაშობთ. ეს არის სეზონის მთავარი მომენტი გულშემატკივრებისთვის, მოუთმენლად ველოდები მატჩებს", - განაცხადა სალიჰამიჯიჩმა.