მიუნხენის ბაიერნის ოთხმა ფეხბურთელმა, დაიო უპამეკანომ, ჩუპო-მოტინგმა, რაიან გრავენბერხმა და იოსიპ სტანისიჩმა დღევანდელი გუნდური ვარჯიში გამოტოვეს - კადრების სიმცირის გამო, დღევანდელ ვარჯიშში მონაწილეობა 17-წლამდელთა გუნდის ფეხბურთელებმაც მიიღეს.
როგორც გერმანული მედია ირწმუნება, უპამეკანოს ადუქციური კუნთების მცირე პრობლემა შეექმნა (ბარძაყის შიდა მხარეს არის მსგავსი კუნთები), გრავენბერხს მუხლზე ჩალურჯებები აღენიშნებოდა, სტანისიჩს მყესების პრობლემა აქვს, ხოლო ჩუპო-მოტინგს კუჭის პრობლემა ჰქონდა.
ნაგელსმანმა გუშინდელ პრესკონფერენციაზე განაცხადა, რომ სტანისიჩი ვოლფსბურგთან მატჩს გამოტოვებდა, თუმცა დანარჩენი სამი მოთამაშის ფორმაში ყოფნა პრობლემა არ უნდა ყოფილიყო - დღეს განვითარებული მოვლენების თანახმად კი არ არის გამორიცხული, ხვალინდელი შეხვედრა სამივე მათგანმა გამოტოვოს, ან როგორც მინიმუმ სათადარიგო შემადგენლობიდან დაიწყონ.
ცნობისთვის, ბაიერნი ვოლფსბურგს გასვლაზე 5 თებერვალს, თბილისის დროით 20:30 საათზე დაუპირისპირდება.