მოგეხსენებათ, რომ მანჩესტერ სიტის მცველი ჟოაო კანსელო 6-თვიანი იჯარით მიუნხენის ბაიერნში ითამაშებს.
აღნიშნულ ფაქტთან დაკავშირებით კომენტარი მანჩესტერელთა მთავარმა მწვრთნელმა, პეპ გვარდიოლამაც გააკეთა:
"პირველ რიგში, საუკეთესოს ვუსურვებ მას ბაიერნში გასატარებლ 4 თვეში. მომავალ სეზონში არ ვიცი რა მოხდება.
ბოლო წლებში, ის იყო ერთ-ერთი იმ მოთამაშეთაგანი, რომელიც მანჩესტერში მუდმივად თამაშობდა, რაც ახალ სეზონში შეიცვალა... მას სჭირდება მოედანზე ყოფნა იმისათვის, რომ ბედნიერი იყოს, ამიტომაც გადავწყვიტეთ, რომ მიუნხენში გაგვეშვა. იმედი გვაქვს, რომ იქ თავის გამოჩენას შეძლებს.
თუ მიუნხენის ბაიერნს ჟოაო სურს, ეს იმიტომ ხდება, რომ ის განსაკუთრებული მოთამაშეა. ცუდს ვერ ვიტყვი მის სამუშაო ეთიკაზე, საფეხბურთო ვნებაზე ან უნარებზე - ეს ისედაც ყველამ იცის", - განაცხადა გვარდიოლამ.