მოგეხსენებათ, მიუნხენის ბაიერნი გასული წლის ზაფხულს, აიაქსის ამომავალი ვარსკვლავით, 20 წლის რაიან გრავენბერხით გაძლიერდა - თუმცა, ახალგაზრდა მოთამაშეს რეკორდმაისტერში საკმარისი სათამაშო დრო დღემდე არ ეძლევა.
ამის გამო, ინგლისურ და გერმანულ მედიაში აქტიურად იწერებოდა, რომ შესაძლო იყო, გრავენბერხი მიმდინარე იანვრის სატრანსფერო ფანჯრის პერიოდში, იჯარის წესით ლივერპულში ან რომელიმე სხვა ინგლისურ კლუბში განათხოვრებულიყო, მეტიც, გრავენბერხის აგენტი შაბათს საღამოს ენფლიდზე შენიშნეს.
თუმცა, Sky Sports-ის ჟურნალისტმა, ფლორიან პლეტენბერგმა (რომელიც ბაიერნის სატრანსფერო პოლიტიკაზე წერს), დაადასტურა, რომ მიუნხენური გრანდი გრავენბერხის არც იჯარით და არც ტრანსფერით გაშვებას არ აპირებს, 20 წლის შუახაზელი კლუბში რჩება და სხვა ალტერნატივა არც განიხილება.