რამდენად რეალურია ჰავერცის ტრანსფერი ბაიერნში?

იანვრის სატრანსფერო ფანჯრის გახსნის დღიდან, სხვადასხვა სპორტული გამოცემები კაი ჰავერცის სახელს მიუნხენის ბაიერნის აქტიურად უკავშირებდნენ, თუმცა, ახლახანს გერმანულ მედიაში გავრცელებული ინფორმაციის თანახმად ირკვევა, რომ რეკორდმაისტერი აღნიშნული ტრანსფერით დაინტერესებული საერთოდ არ არის.

ბაიერნი კაი ჰავერცის ტრანსფერით არ ინტერესდება და გერმანელი ფეხბურთელის შეძენას არც მიმდინარე და არც მომდევნო სატრანსფერო ფანჯრის პერიოდში შეეცდება. პარალელურად კი დიდია ალბათობა, რომ ჰავერცმა ჩელსი დატოვოს, თუმცა ბაიერნი ამ რბოლაში მონაწილეობის მიღებას მაინც არ გეგმავს

ამის მიზეზი კი რამდენიმეა - ერთის მხრივ, #10 პოზიცია, სადაც ჰავერცი ამჯობინებს თამაშს, მომდევნო წლებში ჯამალ მუსიალას აქვს "დაჯავშნილი", მეორეს მხრივ კი ბაიერნის მესვეურები ჰავერცს არც ფორვარდის პოზიციისთვის და არც ფლანგებისთვის არ თვლიან შესაძლო გამოსავლად.