ლაიპციგის 24 წლის შემტევი, კრისტოფერ ნკუნკუ კარიერას პრემიერლიგაში, კერძოდ კი ლონდონის ჩელსიში გააგრძელებს.
გერმანული მედიის ინფორმაციით, მისი ტრანსფერით მიუნხენის ბაიერნიც აქტიურად იყო დაინტერესებული, თუმცა როგორც თავად ფეხბურთელმა ცოტა ხნის წინ განაცხადა, ნაგელსმანს (მის ყოფილ მთავარ მწვრთნელს) ბაიერნში ტრანსფერთან დაკავშირებით არც ერთხელ დაურეკავს.
ლონდონის ჩელსის აღნიშნული ტრანსფერი 60 მილიონი ევრო დაუჯდა - თავად ფეხბურთელი კი ინგლისურ კლუბს 2023 წლის ზაფხულში შეუერთდება.
ცნობისთვის, 24 წლის შემტევმა მიმდინარე სეზონში ყველა ტურნირზე 12 მატჩი გამართა და თავი 8 გოლითა და 1 საგოლე გადაცემით გამოიჩინა - მისი სატრანსფერო ღირებულება გერმანული Transfermarkt-ის მიხედვით, 80 მილიონი ევროა.