გადავა თუ არა ლევანდოვსკი რეალ მადრიდში? Bild-ი ესპანურ მედიას არ ეთანხმება

ესპანურ წყაროებში ოქროს ბურთის დაჯილდოების შემდეგ აქტიურად იწერება, რომ თითქოსდა რობერტ ლევანდოვსკი ზაფხულში ბაიერნის დატოვებას აპირებს და საამისოდ, საკუთარ აგენტს, პინი ზაჰავის რეალ მადრიდთან მოლაპარაკებების დაწყება მოსთხოვა.

თუმცა, გერმანულმა გამოცემა Bild-მა გავრცელებული ინფორმაცია უარყო:

'ესპანურ მედიაში გავრცელებული ჭორები, რომლის მიხედვითაც ლევანდოვსკიმ თავის აგენტ ზაჰავის უთხრა, რომ უპირატესობა ზაფხულისთვის რეალ მადრიდში გადასვლაზე მიენიჭებინა, ტყუილია.

33 წლის ფორვარდი ბაიერნში ყოფნით ბედნიერია, მოსალოდნელია რომ მასსა და კლუბს შორის ახალი კონტრაქტი გაზაფხულისთვის გაფორმდეს. ლევანდოვსკის წასვლას არავინ ელოდება - ბაიერნი მის გაშვებას უბრალოდ არ დაუშვებს', - წერს bild.