სენსაცია თანამედროვე ფეხბურთში - ლევანდოვსკის ოქროს ბურთს მაინც გადასცემენ?

პარიზში 2021 წლის ოქროს ბურთის დაჯილდოების ცერემონია შედგა. France Football-მა წლის საუკეთესო მოთამაშედ პსჟ-ს არგენტინელი შემტევი ლიონელ მესი დაასახელა, რომელმაც გამოკითხვაში მიუნხენის ბაიერნის პოლონელ ფორვარდს, რობერტ ლევანდოვსკის აჯობა.

კუთვნილი ჯილდოს კარიერაში მეშვიდედ აღების შემდეგ, მესიმ France Football-ს რჩევის სახით უთხრა, რომ კარგი იქნებოდა, თუ შარშანდელი წლის ოქროს ბურთს, რომელიც კოვიდპანდემიის გამო გაუქმდა, ლევანდოვსკის გადასცემდნენ.

მოგვიანებით ამაზე საკუთარი პოზიცია France Football-ის მთავარმა რედაქტორმა, პასკალ ფერემ დააფიქსირა:

'რაც მესიმ თქვა მშვენიერი და ჭკვიანურია. ოქროს ბურთის ისტორიას პატივს ვცემთ, რომელიც დამოკიდებულია ხმებზე. 

2020 წლის ოქროს ბურთის დაჯილდოვებაზე აუცილებლად ვიფიქრებთ. არ ვიცით, მოიგო თუ არა ლევანდოვსკიმ, რადგან ხმის მიცემა არ ყოფილა, თუმცა დარწმუნებულები ვართ, რომ მას გასულ წელს ოქროს ბურთის მოგების ძალიან დიდი შანსი ჰქონდა', - განაცხადა პასკალმა.