დიდი ალბათობით, ჩელსის ცენტრალური მცველი, ანტონიო რუდიგერი ზაფხულში ლონდონურ კლუბს დატოვებს, ამას არაერთი ევროპული გამოცემა იტყობინება.
როგორც აღინიშნება, გერმანელი მცველი ინგლისურ კლუბთან კონტრაქტის გახანგრძლივებას არ აპირებს. არსებულის ვადა კი 2022 წელს იწურება.
ამ მომენტისთვის, რუდიგერის გადაბირებით აქტიურად ბაიერნი და მადრიდის რეალი არიან დაინტერესებულნი. თუმცა, აღნიშნულ ტრანსფერში ფავორიტი სამეფო კლუბია, რადგან თავად ფეხბურთელს რეალში თამაშის სურს.
არისტოკრატები 28 წლის ფეხბურთელს წლიურად 6,5 მილიონ ევროს სთავაზობენ ხელფასის სახით, თუმცა რუდიგერი 10 მილიონს ითხოვს.